Statsråd med ansvar for m.a. tru og livssyn, Kjersti Toppe (Sp) og stortingsrepresentant Ragnhild Male Hartviksen (Ap) besøkte Kirken i Bergen i dag, og fekk omvisning i fleire av sentrumskyrkjene. Det blei tid til omvisning i Gullvågutstillingen, deretter kvardagsmesse og utsikt frå Domkirkens tårn, ein tur til Nykirken og til slutt eit besøk til Kirkens bymisjon sitt diakonale arbeid i Korskirken.
Vil ha fortgang i vedlikehald og finansiering
Statsråden kom for å få meir kunnskap om kyrkjene i Bergen.
- Kyrkjevedlikehald er ei viktig politisk sak no når vi får meir statlige midlar til vedlikehald. Og eg oppfattar det slik at det er veldig mange som synes dette er ei god sak. Kyrkjebygga betyr noko for folk: identitet, tilhørighet og det er viktige kulturminne. Så når eg seier at "no skal vi få fortgang i vedlikehaldet og finansieringane av kyrkjene”, så er det ei skikkelig gladsak.
Kyrkja skaffar spesialkompetanse
Representanter frå Akasia og kirkebyggsjef Arne Tveit informerte om arbeidet som blir gjort i dei ulike kyrkjene. Toppe meiner det synleggjer behovet for meir finansiering.
- Det dei fortalte om korleis ein får kompetanse og korleis dei har organisert seg for å få folk som kan den kompetansen er nyttig å vite. Kor komplisert det er t.d. å skifte ut ein planke. Det er spesialkunnskap som ikkje kven som helst i utgangspunktet kan, sjølv om ein er tømrar. Så har ein jo synleggjort behovet for at ein treng meir finansiering. Det er framleis store utfordringar, sjølv om ting har blitt gjort.
1 av 5