Det første ungdomsrådet gjorde var å evalurere årets ungdomsting. Dei var samde i at dette var ei kjekk oppleving og at dei ønskjer enda større deltaking på Ungdomsting i 2019. Ungdomsrådet skreiv ned eit hovudmål:
Til ungdomsting 2019 ønskjer vi oss delegater frå alle kyrkjelege fellesråd i Møre bispedøme.
Ungdomsrådet er ansvarleg for å følgje opp sakene frå ungdomstinget, planleggje nytt ungdomsting og arbeide med andre aktuelle saker. Dei skal også sende deltakarar til Ungdommens kyrkjemøte (UKM).
Ungdomsrådet består av:
Leiiar: Jonathan Risung (Aukra)
Nestleiiar: Ylva Elisabeth Bjørnes (Stranda)
Styremedlem: Othilie Tofte Lerheim (Molde) (KFUK-KFUM Møre og Romsdal)
Elias Storhaug (Molde)
David Kringstad Grønvik (Myrbostad) (NMSU)
Tordis Kanutte Frisvoll (Hamnsund)
Olai Eide Stavseng (Liabygda)
Vara: Iver Fiskaa Ødegård (Ulsteinvik)
Øystein Grimstad Thormodsæter (Ulsteinvik)
Den nyvalgte leiiaren, Jonathan Risung (f. 2000) frå Aukra kyrkjelyd syns det er viktig å vere ein del av kyrkja sitt ungdomsdemokrati:
- Eg sit i ungdomsrådet fordi eg ønskjer å få sagt meiningane mine og diskutere med fleire engasjerte ungdommar. Det er viktig at ungdomar i kyrkja blir høyrt. Vi i ungdomsrådet vil arbeide med at ungdommar kjenner seg velkomne i kyrkja. For å få ungdommar til å bli enda meir interessert i kyrkja må vi ha arrangement som engasjerer, både før og etter konfirmasjonstida.
Nestleiiar, Ylva Elisabeth Bjørnes (f.2003) frå Stranda kyrkjelyd ser fram til å arbeide aktivt i ungdomsrådet:
- Eg syns ungdomsdemokrati i kyrkja er flott. Eg vil sitje i Møre bispedøme sitt ungdomsråd for å gjer ein forskjell; for å kunne få fleire ungdommar inn i kyrkja. For å engasjere fleire unge i kyrkja bør ein tilpasse innhaldet i kyrkja meir mot ungdom.
Her kan du lese meir om ungdomsdemokrati i kyrkja.
Her er ungdomsrådet i arbeid på sitt første møte. Kyrkja engasjerer dei!