I det konstituerande møtet valde rådet Ann Kristin Sørvik til leiar og Ole Martin Grevstad som nestleiar.
Sju av medlemene i rådet er dei same som i førre periode, medan tre er nye. Det nye rådet vil ha medlemer frå tre vallister; Nominasjonskomiteens liste, Åpen folkekirke samt Bønnelista. I tillegg sit valde tilsetterepresentantar samt biskopen i rådet.
Nyvalt leiar i rådet, Ann Kristin Sørvik, peikar på desse områda som viktige i det vidare arbeidet:
- Rekruttere medarbeidarar til kyrkja, slik at vi kan være nær der folk bur. Det er viktig at kyrkja oppsøkjer dei unge og er ein samtalepart for desse.
- Vere synleg og deltakande på digitale plattformar. Unge i dag oppsøkjer i liten grad faste kontor, derfor er det viktig at t.d. innmelding til dåp kan gjerast på dei unge sin måte.
- Sjå til at Møre får behalde den store delen av nyfødde som blir døypte.
- Folk flest bur i ein kommune; derfor er det viktig at kyrkja i Møre har eit godt forhold til sokna som kyrkjeeigarar, og at den lokale kyrkja er til stades på ein open og inkluderande måte for alle innbyggjarar.
- Vere bevisst på at kyrkja er ein stor og viktig forvaltar og formidlar av kulturskattar, der salmar og kyrkjemusikk er berebjelkar.
Les meir om bispedømerådet 2020 - 2024