Kyrkjelydsarbeidar Yngve Lillebø fortel at dei har hatt dette samarbeidet fleire gonger, og at det er fint å kunne komme ut og møte folk der dei er. «Kommunen vår er stor, og har ikkje så mange innbyggjarar, så det er vanskeleg å samle folk. Derfor er det kjekt å kunne vere til stades som kyrkje når det er noko som skjer i lokalmiljøet.» Maleklubben stilte med godt måleutstyr, og kyrkjelydsarbeidaren las bibelforteljinga om skapinga. Dei lærte óg songen « Kven har skapt alle blomane.» Det gav barna mange moglege motiv å måle: «Dei malte alt frå planter til einhjørningar.» Han fortel at nokon av barna var på maleverkstaden i heile opningstida. Dei har og eit liknande tilbod i kyrkja som heiter «kveldssong for dei små». Då les dei ei bibelfortelling, syng songar og teiknar. «Når du gjer born eit blankt ark vert dei ofte kreative,» avsluttar Yngve.