For å hjelpa dykk med dette har salmekomiteen for salmekveld.no laga forslag til salmar for ein salmekveld. Ynsket vårt var å velja ut flotte, viktige og sentrale salmar, kjende og mindre kjende. Salmar me meinte måtte vera med på ein slik kveld. Lista vår vart veldig lang!
For å sleppa å redusera lista sorterte me salmane under ulike overskrifter, til seks forskjellige «pakkar». Dermed har de òg stoff til fleire kveldar! Det vart naturleg for oss å sortera dei ut frå kyrkjeåret og årstidene.
Listene finn du link til nedst på sida. Dei dekkjer følgjande tema:
- Advent-jul
- Pasjon-påske
- Vinter
- Vår
- Sommar
- Haust
- Kveld
Me vonar at pakkane vil vera til hjelp og glede, og at de vil ha det minst like kjekt på dykkar salmekveld som me hadde då me laga dette. Lykke til!