Velkomen til babysong i Arna kyrkjelyd!
På babysong handlar det ikkje om å vere flink til å synge – her kan alle vere med! Stemmen din er kjend og trygg for barnet ditt, og gjennom song og nærleik får de dele gode opplevingar og styrkje samspelet mellom dykk.
Babysong er også ein møteplass for dei vaksne. Etter songstunda samlast vi til kaffi, te og litt å bite i, med god tid til ein prat og til å bli kjend med andre småbarnsforeldre.
Vi syng både kjende barnesongar, regler og songar frå den kristne barnesongtradisjonen. Kanskje finn du også nokre nye favorittar som de kan ta med dykk heim og bruke i kvardagen.
Alle er velkomne, uavhengig av tru eller tilknyting til kyrkja.
Praktisk informasjon
Babysong passar for babyar frå ca. 2–12 månader.
Tid: Torsdagar kl. 10.30–12.00
Stad: Loftet i Arna kyrkjelydshus
Pris: 100 kr per år / 50 kr for søsken
Enkeltgong: 30 kr
Etter songstunda serverer vi kaffi/te og litt å bite i.
Velkomen til ei hyggeleg stund med song, leik, nærleik og fellesskap!