Biskopen rapporterte undervegs på sin facebook-konto:
– Bispevisitas i Luster er ei stor oppleving med flotte menneskemøte, alpakkaer rett utanfor hotellrommet, møte med kommuneleiinga som har flotte tankar om korleis vi kan skape gode lokalsamfunn saman, kafé Kvild der folk kan møtast for ein prat eller berre ein god stad å vere, besøk på arbeidstreningssenteret, heile oppvekstsenteret på Indre Hafslo på kyrkjebesøk, ein klokketime med 10.klasse som verkeleg utfordrar biskopen med gjennomtenkte spørsmål, ein liten privat avstikkar til Harastølen (det har eg hatt så lyst til), og veldig fint samrådingsmøte med alle dei sju sokneråda i kommunen. Alt dette på ein dag!
Og treng eg nemne det: Naturen som kan ta pusten frå ein med storslagen skjønnheit. Eg er heldig!
Preike på gudsteneste for kyrkjeleg tilsette
Som del av vistasen, feira biskopen gudsteneste med dei tilsette i prostiet. I preika på denne gudstenesta over teksten frå Ef. 4, 11-16, delte biskopen det som var ei ny oppdaging for henne. Preika kan du sjå her:
Tre utfordringar
Biskopen avslutta visitasføredraget med tre utfordringar:
- Gå til gudsteneste regelmessig, både i di eiga kyrkje og på fellesgudstenester.
- Legg til rette for likeverdig samarbeid. Ha felles møte for alle sokneråd og fellesrådet der de kan halda fram med den gode samtalen om samarbeid, organisering og strategi.
- Sats på kultur og fellesskap over soknegrensene.