6.8.2025

Kyrkjeklokkene ringer for Gaza

Torsdag 7.august kl 15 ringer kyrkjeklokkene frå landets domkyrkjer, og andre kyrkjer også, for alle som lid i den ufattelege krigen på Gaza. Biskopane i Den norske kyrkja har teke initiativet til denne markeringa fordi den humanitære situasjonen på Gaza er så heilt forferdeleg - for borna, for dei som ikkje ser vona for morgondagen, for gislane som er tekne til fange. Fleire stader i Sunnfjord vil kyrkjeklokkene ringe denne torsdagen, og det blir open kyrkje i Førde kl.14.30-15.30 og i Naustdal kl.14.45-15.30.

Les meir

23.6.2025

Sommaropningstid på kyrkjekontora

I perioden 1. juli – 15. august er sentralbordet for heile fellesrådet og kontoret i Førde ope klokka 09.00 – 13.00 alle kvardagar. Kyrkjekontora i Gaular, Naustdal og Jølster er ope etter avtale i sommarferien (veker 26-33). Ta kontakt med oss på sentralbordet på telefon 57828180.

Les meir

24.7.2025

Prestevikarar i Sunnfjord denne sommaren

Mathias Christensen (26) og Emil Vestergaard Klausen (25) skal ogå i sommar vikariere som prestar i Sunnfjord. Dei er begge frå Danmark og har studert teologi i fem år. Dei ser fram til tenesta med glede og vi oppmodar kyrkjelydane til å ta godt imot dei.

Les meir

1.8.2025

Ledig 100% stilling som diakon

No er det ledig ei spennande stilling som diakon i Sunnfjord! Diakonen skal ha hovudverksemda si knytt opp til Gaular sokn, men og vere ein diakonal ressurs for dei andre sokna, i samarbeid med både frivillige og andre tilsette. I det diakonale arbeidet i Gaular har besøk til eldre og sjuke, oppfølging etter dødsfall, og elles tiltak som er med å styrkje fellesskapet for personar i ulike aldrar, vore dei viktigaste oppgåvene. Sunnfjordkyrkja har 40 tilsette, 34 av desse er tilsett i kyrkjeleg fellesråd medan Bjørgvin bispedøme har arbeidsgjevaransvar for 6 prestar. Hovudadministrasjonen til fellesrådet har kontor i Førde. Her blir du del av eit sosialt og fagleg fellesskap med ca. 15 tilsette, mellom anna prestar, diakon og kyrkjelydspedagogar. Er du sjølv diakon, er du velkomen til å ta kontakt om stillinga. Dersom du kjenner andre aktuelle; sprei ordet og tips folk om stillinga!

Les meir

15.8.2024

KRAFT - prosjekt Ung

Kraft er eit nystarta felleskap i regi av Førde kyrkje for unge i alderen 15 år og oppover til og med unge vaksne. Følg kontoen vår på Instagram: @kraft.ung og på Kirkesnappen for info om det som skjer. 

Les meir

4.3.2025

Samtalegruppe – for deg som har mista ein som stod deg nær

Sorggruppe er eit tilbod til deg som har mista ein nærståande. Støttegruppa vil vere ein stad der du kan dele tankar og erfaringar med andre som opplever liknande situasjon. Ein stad der sorg og sakn kan få plass – men også håp og livsmot. Oppstart 19. mars. Påmelding innan 14. mars.

Les meir

23.3.2020

Kyrkjeskyss

Førde kyrkje har ei ordning med kyrkjeskyss. Om du treng skyss til gudsteneste søndag klokka 11.00 kan du ringje telefonnummera på lista nedanfor.

Les meir

1.2.2025

Konfirmasjonsdatoar 2026

Konfirmasjonsdatoar 2026 for Førde, Holsen og Haukedalen.

Les meir

22.3.2021

Førde kyrkjetun

Kyrkjetunet ligg like ved kyrkja i Kyrkjevegen 23F, med god tilkomst og stor parkeringsplass. Huset har lokale av høg standard som er veleigna til ulike samkomer som konferansar, møte, familiesamankomstar, minnesamvær, dåp, konfirmasjon, åremålsdagar osv. Vi tilbyr servering eller utleige av kjøkken dersom leigetakar ønskjer det. Huset er tilrettelagt for rørslehemma.

Les meir

7.10.2019

Dagens bibelord

Her finn du kvar dag nye tekstar frå Bibelen, til inspirasjon og glede, eller berre for ein liten pause i kvardagen.

Les meir