Det har vore eit ønskje frå fleire hald å få til ei forsongargruppe som kan vere med og lyfte allsongen i gudstenestene. No i haust har kantor Håvard Sveås begynt å trekkje i trådane, og sist søndag var altså fyrste deltaking i gudstenesta.
Dei 6 songarane som tok del denne søndagen hadde fått tilsendt salmane på førehand og møtte opp ein god time før gudstenesta for ei kjapp gjennomsynging. Resultatet vart ei lita gruppe som song klart og tydeleg salmane i gudstenesta, fleirstemt song på nokre av dei faste liturgiske ledda, og litt ekstra 2-stemmig song nokre andre stader. Enkel men effektfull korsong frå galleriet i Langevåg kyrkje.
Forsongartenesta er eit uforpliktande fellesskap av korsongarar som stiller opp dei gongane dei har høve til det. Viss du er interessert i å vere med kan du ta kontakt med Håvard Sveås - det er god plass på galleriet.