Babysong
På samlingane vil de få friska opp songar de hugsar frå dykkar eigen barndom, og lære mange nye. De vil få tips om korleis de kan bruke song og musikk i kvardagen med barna dykkar, og de vil få råd om korleis de kan gje barnet trusopplæring gjennom song og musikk.
Kvifor er babysong viktig?
- Gjennom rytme, song og musikk blir heile mennesket engasjert, uavhengig av alder.
- Ein treff andre foreldre/føresette i same situasjon, og ein får knytte nye kontaktar.
- Song og musikk skapar gode augneblink saman med barnet i kvardagen.
Sund kyrkje:
Velkommen til nyoppstarta babysong i Sund kyrkje! Den blir leia av kyrkjelydspedagog Katrin Fischer og kantor Irina Tarasova. Datoar våren 2023 er 8. februar, 22. februar, 8. mars og 22. mars, kl. 10. 30-12.00. Påmelding til tlf. 403 04 255.
Blomvåg barnehage:
I samarbeid med Blomvåg barnehage. Samlingane er annankvar tysdag i barnehagen kl. 10-12. For meir informasjon følg med på facebook.
Fjell kyrkje:
I samarbeid med KFUK-KFUM Åpen Barnehage. Samlingane er på måndagar kl. 12.30-14.30, og blir leia av Vibeke Suphellen. Påmelding til tlf. 975 78 956. Meir info finn du på Facebooksida til KFUK - KFUM åpen barnehage Øygarden
Landro kyrkje:
I samarbeid med KFUK-KFUM Åpen Barnehage. Babysongen blir leia av Tove Karin Angeltveit, og skjer på onsdagar kl. 12.30-14.30. Påmelding til tlf. 995 90 448. Meir info finn du på Facebooksida til KFUK - KFUM åpen barnehage Øygarden
Foldnes kyrkje:
Her skjer babysongen i regi av T-dagen, og blir leia av Eivind Kausland Lie og Elisabeth Møll Jung. Samlingane i Foldnes kyrkje er annankvar onsdag (veke 2 og 4 i kvar månad) kl. 12-14. Påmelding her
Velkomen til babysong!