Konfirmant i Os kyrkjelyd

Vi har eitt konfirmanttilbod til alle 9.klassingar –  uansett om ein går på Os eller Nore Neset ungdomsskule. 

Som konfirmant får du lære meir om kva kristendommen er, kva det betyr å tru at alle menneske er skapt av Gud og korleis alle har uendeleg verdi. Du vil bli betre kjend med deg sjølv og andre på ditt kull, og få mange kjekke opplevingar for livet. 

Konfirmantarbeidet i Os kyrkjelyd er tett knytta til ungdomsarbeidet vårt. Vi vil at du som konfirmant skal få utforske kyrkja og trua - gjennom aktiviteter og fellesskap i ungdomsarbeidet vårt. Du vil og møte ungdommane våre som leiarar på leir, arrangement eller på aktivitetane. 

Vi har ulike aktivitetsgrupper som du kan velge ut frå di interesse. Her er vi opptekne av å bli godt kjende og skapa trygge relasjonar, gjennom kjekke aktivitetar og opplevingar.

Gudstenester 
I løpet av året skal konfirmantane gå på 8 gudstenester. Nokre av desse ligg allereie i planane vi har laga, medan 4 gudstenester vel dei sjølve når dei vil gå på gjennom året. Konfirmasjonsgudstenesta vel du ved påmeldinga. Der kan du velje dag og klokkeslett. 

Leir
Leir er ein del av det obligatoriske konfirmantopplegget. Alle konfirmantane skal på reise på leir. Det er utruleg kjekt, og gjev eit minne for livet. I år reiser konfirmanten på leir med gruppa si, og leiralternativet kan du lese om i eigen infobolk.

Konfirmantavgift 
Det kostar 2000,- for å vera konfirmant i Os kyrkjelyd i år. Du kan velje å betale heile denne summen ved påmelding. Eller du kan få den delt opp i fleire faktura utover året. Summen dekkjer inn utgifter til undervisningsmateriell, bibel, konfirmantkappe, leirutgifter, mat og ulike arrangement. 
 
Konfirmanttida er for alle 
Økonomi skal ikkje vera eit hinder for å vera konfirmant. Vi vil hjelpe til med å tenke løysingar. Ved behov for ei anna ordning/avtale enn det som er lagt fram her, er de velkomne til å ta kontakt med kyrkjekontoret. Ta kontakt med oss ved behov for tilpassing av konfirmanttida! 

Samarbeid med heimen
Vi er avhengig av at de som foreldre stiller opp og bidrar på ulike aktivitetar i konfirmanttida. Ved påmelding melder du deg til ei av desse oppgåvene: 

• Lage mat til konfirmantsamling kl. 13:30 - 16:00
• Vaksenstøtte på samling i Tunet kl. 15:30 - 18:00
• Foreldre på leir/overnatting

Påmeldinga startar måndag 9. juni 2025 kl. 09:00!

Det er viktig at påmeldinga til konfirmantåret skjer av ein foresatt. Det er og særs viktig at det er konfirmanten sin kontaktinfo som ligg under konfirmanten sitt namn. Fyll inn all informasjon vi ber om og klikk på «send» for å fullføre påmeldinga. Du får ei stadfesting opp på skjermen. 

Vi erfarer at det er viktig for mange konfirmanter å vera sammen med kjende og vener på aktivitet og leir. Vi vil likevel opplyse om at dei aller fleste klarar seg fint sjølv om dei ikkje kjem saman med andre kjente. Men bruk tid på å avtale med dei det er viktig å reise på leir saman med for eksempel, slik at ein melder seg på rett frå første stund. 

Konfirmasjonsgudsteneste

Ved påmelding kan du velgje kva dag og klokkeslett de ønskjer for konfirmasjonen. Vi tilbyr mange gudstenester, så vi trur det skal gå fint for alle å få ei gudsteneste som passer. Alternativet forsvinn frå lista når gudstenesta er full.  

Aktivitetsgruppe

Vi har berre plass til eit visst antall konfirmantar i kvar aktivitetsgruppe. Alternativet forsvinn frå lista når aktivitetsgruppa er full. Det er lurt å melde seg på så snart de kan, slik at de får vere med i aktivitetsgruppa de ønsker.

Skjema for påmelding finn du her!

Leiren er, for dei aller fleste, høgdepunkt i konfirmanttida. Alle konfirmantane får reise på leir. Du reiser på leir saman med aktivitetsgruppa di, og saman med dei andre gruppane.

Alle drar på leir til Raknestunet/Osterøy, og vi drar saman i leigd buss.

7-9. november 2025: Alle aktivitetsgrupper 1 + DELTA nettbasert gruppe drar sammen på leir.

23-25. januar 2026: Alle aktivitetsgrupper 2 drar saman på leir.

Alle er velkommen som konfirmant i Os kyrkjelyd, uansett kven du er. Alle menneske er unike og skapte i Guds bilete, og alle kan finne sin plass i vårt fellesskap. I Den norske kyrkja er det rom for deg uansett tru og tvil, identitet, etnisk bakgrunn, kjønn og seksualitet.

Alle menneske er ulike og uansett funksjonsevne har du rett til ei god konfirmanttid. Vi ønskjer, i samarbeid med føresette å legge til rette for at alle skal få ei god konfirmasjonstid i Os kyrkjelyd. Vi kan tilpassa opplegg for konfirmanter med spesielle behov ut i frå fysiske, psykiske eller sosiale utfordringer.

Rom for deg

Vi har ei eiga gruppe for dei som treng individuelt tilpassa opplegg. Den heiter “Rom for deg”, og du melder konfirmanten på i denne dersom de har behov for det. Les meir om dette tilpassa konfirmantopplegget i neste boks "Aktivitetsgrupper og tilpassa opplegg".

Meld frå om behov

Behov for tilrettelegging handlar ikkje berre om diagnosar og funksjonshemming. Det kan være utfordringar i livet som må tas hensyn til; lese- og skrivevanskar, angst, sjenanse, sjukdom i nær familie og så videre. For nokon kan ein avtale om å få ringe heim når han/ho er på samlingar,  å få gå før det er slutt eller få andre praktiske arbeidsoppgåver vera avgjerande for opplevinga av konfirmantåret.

For oss handlar det om å kunna gje god hjelp og ta kloke val i samarbeid med heimen, slik at alle får like mogelegheiter for å kunne delta. Det handlar om at vi ønsker det beste for konfirmantane, at dei skal bli inkludert og få praktisere trua si.

Dersom de har spørsmål eller tankar om konfirmantåret for din konfirmant, ta kontakt så tidleg som mogleg.

Har du behov for individuell tilrettelegging, meld frå om dette ved påmelding. 

Les meir om opplegget vi i Os kyrkjelyd kan tilby, i den neste boksen (Aktivitetsgrupper og tilpassa opplegg).

Døvekyrkja i Bergen har i tillegg eit eige tilbod, sjå lenka her.

Bur familien i utlandet?
Unge som er bosatt utenfor Norges grenser kan være ”nettkonfirmanter” i regi av Sjømannskirken. Her er lenke til meir informasjon om tilbodet. 

JoinUs Tensing

Du kan vera konfirmant i JoinUs, vårt ungdomsarbeid om onsdager. Dette er eit trygt og godt fellesskap å vera i, for deg som har lyst å finne ut om du liker å drive med musikk eller om berre finne ut om det er gøy.

TenSing er eit kor med band (ca. 30 medlemmer), og eit kreativt og kjekt fellesskap. Og som konfirmant blir du med i dette fellesskapet heile konfirmanttida. Medlemmene vel sjølv kva sanger dei skal synge. Du kan vera med i band eller minikor, sjølv om du ikkje har gjort nokon av delene før. Men i JoinUs TenSing kan du og vera med i andre grupper som; lyd og lys- (teknikergruppe), mat-, danse-, drama-, hobby -, eller media/PR - gruppe. Du kan prøve litt i starten og sjølv finne ut kva for ei av desse gruppene du vil vere i, etterkvart. Etter haustferien vel ein kva gruppe ein vil vera i.

Vi møtes kvar onsdag kl. 18 – 21, har det veldig kjekt saman og drar på to leirer i løpet av året.

Inn i Bibelen

Actionheltar og eventyrarar, - tyrannar og forædarar: Bibelen er full av spanande forteljingar frå gamle dagar. Men visste du at bibelen handlar om deg? Bli med inn i Bibelen - bli betre kjend med deg sjølv og med Gud. Kva tyder det å vere kristen i dag?

Saman utforskar vi kva det vil seie å vere skapt, sett og elska av Gud. Vi les og undrar oss saman, vi ser film, vi oppdagar kjende kunstverk på nytt – og kanskje prøver vi oss som kunstnarar sjølve?

KRIK inne

Denne konfirmantgruppa er for deg som likar å være i aktivitet. Du trenger ikkje vera flink i sport, men ha lyst å vera med på dei kjekke, og morsomme aktivitetene vi driv med i KRIK ungdomsgruppa. Døme på aktivitetar vi gjer er gymsalklassikarar som hjørnefotball, stikkball, tarzantikken, stafettar og meir.
KRIK er ein kristen organisjon for idrett og aktivitet og har ein visjon om idrettsglede, trusglede og livsglede. Ungdomsarbeidet i Os kyrkjelyd har ei KRIK gruppe for ungdom, styrt og drevet av og for ungdom, og som møtast kvar fredag. Dette er trening med lav terskel, med fokus på bredde, glede og fellesskap. Kult om du vil bli med!

KRIK ute

Liker du å vera i aktivitet ute? Dette er gruppa for deg som vil gjere ulike idrettsaktivitetar utandørs. I KRIK Ute vil typiske aktivitetar vera Capture the flag, Frisbee ultimate, fotball, stafettar og generell allidrett. Viss snøen legg seg fint til i løpet av året køyrer vi aking. Men det viktigaste i gruppa er at det skal vera gøy for alle, uansett kva slags nivå og form vi er i.

Ut og sånn

Denne gruppa er for deg som likar å vere ute. Her øver vi på sikker turplanlegging og gjennomføring av tur i nærområda våre. Vi er ute kvar gang vi møtast. Vi øver på å lage bål, fyrstehjelp, bli kjend med allemannsretten, kart og kompass og andre kunnskapar som trengs for å kunne ferdast sikkert i naturen. Det blir garantert flotte opplevingar og gode samtalar. 

DELTA – Nettbasert konfirmantopplegg

Dette er tilbodet for deg som har lyst å konfirmere deg, MEN som har eit spesielt travelt fritidsprogram (kanskje fordi du er knytta til eit høgare nivå ifht trening osv).

Istaden for alle dei obligatoriske samlingane om onsdagane, følgjer du eit digitalt opplegg med undervisning og innleveringar. Du deltek på dei store felles arrangementa som «Avspark/oppstart», Lysmesse, Fasteaksjon, leir og avslutning, og har resten av undervisninga nettbasert/digitalt gjennom 6 leksjonar i eit opplegg som heiter «DELTAkonfirmant». Du får ei bok som er knytta til opplegget.

Dei digitale samlingane er basert på leksjoner om kristen tru og om det å vera menneske. Det er filmer og oppgaver knyttet til de 6 ulike leksjonene, og alt ligg på nett. Kvar leksjon må sendast inn til godkjenning av oss.

Rom for deg - Tilpassa konfirmantopplegg

Alle menneske er unike og nokre treng ulike tilpassingar av konfirmantopplegget. Uansett behov, funksjonsevne eller utfordringar i kvardagen har konfirmanten rett til ei god konfirmanttid.

Dersom din konfirmant treng eit individuelt tilpassa konfirmantopplegg, er det denne gruppa konfirmanten skal meldast inn i. Denne gruppa er òg for deg som likar deg best i mindre grupper eller har behov for tilrettelegging i opplegget.

Vi ønskjer å vera fleksible og imøtekommande for at både konfirmanten og de som konfirmantfamilie skal bli ivaretatt og ha eit forutsigbart, men tilpassa opplegg. Innhaldet og metodane kan vera praktisk retta. Samtale og visuell kommunikasjon kan vera nokre av dei bærande elementa i møte med bibelforteljingane.

Meld frå til oss så snart som mogeleg - for at vi skal kunne finne dei beste løysingane for konfirmanten er det viktig at vi får beskjed i god tid! Vi vil tenkje saman med dykk om ulike tilbod vi kan gje. Samlingane vil vera knytta til Os kyrkje og Tunet.

Dersom du ikkje er døypt kan du likevel bli konfirmert i kyrkja. Over tusen ungdommar blir kvart år døypt i løpet av konfirmasjonstida. Du får god informasjon på førehand og på sjølve dåpsdagen har du med deg dine næraste, til ein fin seremoni. Ta kontakt med oss, eller skriv i påmeldinga om du ynskjer dåp.

2026
Laurdag 2. mai - Nore Neset kyrkje
Søndag 3. mai - Os kyrkje

Laurdag 9. mai - Os kyrkje
Søndag 10. mai - Nore Neset kyrkje

2027
Laurdag 1.mai -  Os kyrkje
Søndag 2. mai -  Nore Neset kyrkje 

Laurdag 8. mai - Nore Neset kyrkje
Søndag 9. mai - Os kyrkje