Hareid sokn ligg i Hareid kommune i Møre og Romsdal. Kommunen har 5200 innbyggjarar like sør for Ålesund i eit maritimt miljø med godt utbygde handels- og servicetilbod. Her er eit levande kulturliv, særleg innan song og musikk, og nærleiken til sjø, vatn og fjell gir gode høve til friluftsliv.
Kommunen er liten i utstrekning, med ei kyrkje og ein gravplass. Kyrkja ligg sentralt i Hareid sentrum, og er kjend og kjær for mange i lokalsamfunnet. Kyrkjelyden har mange engasjerte medarbeidarar og tilbyr trusopplæring til alle i alderen 0-18 år.
Hareid sokn har ledig stilling som
Kyrkjeverje
Stillinga har stor fridom til strategisk utvikling og framsynt leiing av verksemda, der siktemålet er vekst i kyrkjelydsarbeidet og som kan prege lokalsamfunnet enno meir. Eit trusopplæringsarbeid, med ei oppslutning blant dei høgaste i landet, er eit sentralt satsingsområde for soknet.
Sentrale oppgåver vil vere:
- I lag med sokneråd, staben og sentrale utval utforme strategiar og planar for utvikling av verksemda
- Sakshandsaming og organisering av fellesrådet og soknerådet si verksemd
- Økonomistyring, rekneskap og budsjett
- Personalleiing
- Ansvar for drift og vedlikehald av kyrkje og kyrkjegard, gravferdsforvalting
- Ivaretaking av soknet sine interesser overfor kommunen
Vi søkjer etter ein engasjert person med
- Relevant høgre utdanning. Praksis er ein fordel.
- Kompetanse innan offentleg forvalting, administrasjon, leiing og økonomi.
- Gode samarbeids- og kommunikasjonsevner. Må meistre norsk godt, munnleg og skriftleg.
Den som vert tilsett må vere medlem av og ha nær kjennskap til Den norske kyrkja.
Det vert lagt vekt på personlege eigenskapar.
Løn etter avtale. Pensjonsordning i KLP.
Stillinga er for tida 80 %, men med planar om utviding til 100 % frå 01.01.2018, med atterhald om politisk godkjenning.
Staben er sett saman av kyrkjeverje, sokneprest, kantor, kyrkjelydspedagog, sekretær/medarbeidar i trusopplæringa, kyrkjetenar/kyrkjegardsarbeidar, og dagleg leiar for Hareid Frivilligsentral.
Spørsmål om stillinga kan rettast til kyrkjeverje Jan Erik Hovland, tlf. 90502658, eller fellesrådsleiar Gunmar Grimstad, tlf. 95787862.
Søknad skjer via elektronisk søknadsskjema: klikk her.
Søknadsfrist: 10.08.2017