OPNING AV KULTURMINNESKILTA
Arkeolog i fylkeskommunen, Arve Eiken Nytun, vil fortelje litt om spora etter middelalderen som no er nedfelt på to skilt. Illustrasjonane på skilta er laga av kunstnar Arnfinn Mork-Stordal, som også vil være tilstade.
Denne markeringa er ei forlenging av tidlegare programpost under "Opplev Hareid" i sommar, der arkeolog Arve Nytun haldt presentasjon i kyrkja om lokal middelalderhistorie med kulturhistorisk informasjon, då saman med musikalse innslag frå tidsepoka. Ei flott formidling av spor i Hareid etter middelalderen.
Oppføring av desse to skilta er godkjent av riksantikvar og Hareid kommune har fått BARK-midlar for å reise kulturminna.
Velmøtt til både ein flott konsert og den offisielle opninga/avdukinga v/ordførar Anders Riise!
HAREID KYRKJESTAD
Den fyrste kyrkja vi kjenner til på Hareid var ei stavkyrkje som truleg vart bygd på 1200-talet. Denne brann ned til grunnen i 1806 etter eit lynnedslag. Den kan ha vore kyrkjer på Hareid før denne, men dette har vi ingen konkrete bevis på. Det vi derimot veit er at kyrkjegardsområdet har vore brukt som gravleggingsstad og kultstad lenge før kristendomen kom til landet, og har lang tradisjon knytt mot åndeleg praksis.
Dagens kyrkje er listeført, og vart reist om lag 40 m søraust for den opphavelege kyrkja. Omkring den opphavelege kyrkja ligg ein kyrkjegard frå mellomalderen som i dag framleis er i bruk. Innanfor kyrkjestaden står også ein bautastein frå jernalderen.
I dag fins det framleis nokre gjenstandar som har stått i den gamle stavkyrkja, som samen med skriftlege kjelder kan gi oss ei innblikk i mellomalderkyrkja og samfunnet kring den.
Det fins også myter og segn om kvifor kyrkja vart bygd nett her. Dette er nok mindre truverdige myter, men er likevel viktig som kulturhistoriske verdiar ikring kyrkjehistoria.
Også landskapet ikring fortel mellom anna om ei endring i gravleggingspraksis, frå førkristen tid, heilage vasskjelder og andre faktorar som er viktige for å forstå dei store omveltningane som skjedde ved religionsskiftet for omlag 1000 år sidan.
Informasjon i høve arrangementet: Arkeolog i fylkeskommunen, Arve Eiken Nytun