| PROGRAM HAUSTEN 2018: |
|
Norsk kyrkjeakademi er ei rørsle som tek kyrkja sitt kulturansvar på alvor. Eit forumfor fordjupning og meiningsbrytning om dei evige spørsmål så vel som dei tidsaktuelle problem i kultur og samfunnsliv. Det er og ein fristadsom fremjar dialog og kommunikasjon mellom kyrkja og grupper innan kultur og samfunnsliv, og der mennesker kan møte respekt for eigen ståstad.
-Målet er å invitere til to samlingar pr. semester, med ulikt innhald som kan gi oss noko på livsvegen, seier leiar i Hareid kyrkjeakademi, Hege Tretnes. -Vi har mange tilbod i Hareid, både for unge og eldre, men vi håper at dette kan vere ein positiv tilvekst. Vi har erfart at trusopplæringstiltaka våre har samla veldig mykje born og ungdom dei siste 10 åra, og at også foreldre og familiane elles deltek på ting ilag. Dette ynskjer vi å bygge vidare på med dette tilbodet, seier Hege Tretnes.
Kyrkjeakademiet rettar seg mot vaksne, men har ingen aldersgrenser anna enn at dei ulike tema vil kanskje naturleg rette seg mot ulike aldersgrupper. Første samling har fokus på den nære kulturhistorie med ein middelalderkveld i Hareid kyrkje der vi får høyre noko om historia til kyrkjegarden og tradisjonen tilbake til middelalderen.
-Til hausten vil vi sette fokus på heilt andre ting. I slutten av september vil vi ha fokus på dialog og forståing med andre kulturar og religionar. Vi inviterer til filmkveld og vil vise filmen «Hva vil folk si» av Iram Haq. Denne kvelden vil Nancy Herz vere med oss og leie samtalen i etterkant av filmen. I november vil Marit Kaldhol, forfattar og lang erfaring med kyrkjeakademi i Bogund, vitje oss med føredraget «Viss det ikkje var for kjærleiken», om Leonard Cohen sitt liv og tekster. Mykje å glede seg til, avslutter Hege Tretnes.
Dei overordna målsetjingane:
- NKA er eit organ for samarbeid mellom kyrkjeakademia i Norge. NKA fremjar samarbeid mellom tilsvarande institusjoner i andre land og arbeider for økumenisk fellesskap mellom kyrkjesamfunn.
- NKA tek også initiativ til prosjekt, konferanser og andre tiltak som er i rørsla si ånd. Det er 70 ulike akademi fordelt over heile landet, 4 av dei ligg i Møre bispedømme der Hareid vert det femte og foreløpig siste tilskotet i organisasjonen.
Formål og arbeidsformer:
Hareid kyrkjeakademi er eit forum som ut frå kristen tru vil arbeide med
grunnleggande og aktuelle problemstillingar i kyrkje-, kultur-, og samfunnsliv.
Dette formål søkjer Hareid kyrkjeakademi å gjere verkeleg gjennom
a) å bidra til dialog mellom forskjellige grupper av menneske
b) å skape møteplasser for fordjuping og meiningsbrytning om evige spørsmål så vel som tidsaktuelle utfordringar
c) å muliggjere opne samtaler med rom for innsikt, engasjement og kritikk