Kontakt Frøya sokneråd:
| Knut Arne Vadøy | Leiar |
| 95229770 | knutavad@gmail.com |
Frøya kyrkje i Kalvåg stod ferdig i 1865 og overtok då etter den gamle kyrkja på Grotle. Det vart laga ny altertavle då denne kyrkja vart bygd. Den gamle altartavla, frå Grotle kyrkja, står på nordsida av kyrkjeskipet. Frøya kyrkje vart restaurert og malinga luta av tømmer-veggane til 100-års jubileet. Kyrkja har omlag 350 sitjeplassar.
Kyrkja er delvis tilrettelagt for personar med nedsett funksjonsevne, der ein er avhengig av rullestol el.l. for å kome seg inn i kyrkja, men det er pr. i dag ikkje handikaptoalett. Det er montert teleslynge i kyrkjerommet. I enkelte lysforhold kan interiøret opplevast vanskeleg for synshemma. Utanfor er det skilta parkeringsplass for rørslehemma.
Kyrkja blir vanlegvis nytta til kyrkjelege handlingar og nokre trusopplæringsktivitetar. Kalvåg bedehus (eigar Kalvåg Indremisjon) blir også nytta til trusopplæringsaktivitetar, barneklubb og andre tilstellingar. Kalvåg bedehus er og delvis tilrettelagt for personar med nedsett funksjonsevne. Ingen av bygga har handikaptoalett.