Søndag 15. mars er alle i kyrkjelydane i Bremanger invitert til fellesgudsteneste i Davik kyrkje.
Prestane Dag Leirvik og Matias Austrheim blir med på gudstenesta.
Musikkinnslag og barnekorprosjekt
Kantor Brunhilde er ansvarleg for dei musikalske innslaga, og under gudstenesta deltek musikantar frå samarbeidskorpset Smalsarhorn og Davik, Flora-Bremanger Brassband, prosjektbarnekoret frå indre Bremanger og songgruppe med songarar frå heile kommunen.
Brunhilde har i forkant av gudstenesta eit barnekorprosjekt i Svelgen, Davik og Ålfoten. Born frå 1.-7. klasse er invitert til å bli med på korøvingar og synge under gudstenesta på Davik.
Kyrkjekaffi
Gudstenesta startar kl. 12:00, men alle som ynskjer det kan møte opp kl. 11:45 for å vere med på ein gjennomgang av songane som skal vere under gudstenesta.
Etter gudstenesta er alle hjarteleg velkomne på kyrkjekaffi.