Gudstenesta blei forretta av biskop Ingeborg Midttømme, prost Svein Runde og sokneprest Finn Arne Roaldsen. Delaktige i gudstenesta var barn frå Liabygda skule som framførte to songar, leia av Gunnar Inge Eide, kantor i Sunnylven og Geiranger, som også spela trombone under gudstensta. Kantor i Nordda og Stranda, Carolin Eide, spela orgel under gudstenesta, Trond Otto Berg spela trompet og Allsangkoret frå Stranda hadde teke turen over fjorden for å bidra med song.
Under gudstenesta overrekte soknerådsleiar i Stranda, Velaug Vassbotn, ein altarbibel i gåve til Liabygda sokn frå Stranda sokn. Kyrkjeverje i Storfjorden kyrkjelege fellesråd, Petra Riste Synnes, overrekte ein lysestake frå fellesrådet. Ordførar i Stranda, Jan Ove Tryggestad, overrekte ei gåve på 10.000,- frå Stranda kommune til Liabygda sokn.
Etter gudstenesta var det «fest-kyrkjekaffi» på Trollstova med brennsnut, kaffi og kaker. Sokneprest Finn Arne Roaldsnes leia dei frammøte gjennom eit rikhaldig program med song, musikk, talar og mimring om kva kyrkja har betydd for bygdefolk og tidlegare sokneprestar.
Etter kyrkjekaffien gjekk ferda tilbake til kyrkja kor ein blei orientert om fargeval av interiørarkitekt Liv Anne Øverås som hadde gjeve soknerådet faglege råd i høve oppussinga av kyrkja. Ola Lied tok dei frammøtte med på ei vandring gjennom kyrkja si historie, og det blei satt ein verdig slutt for jubileumsfeiringa med konsert av Kjartan Lied, Willam Kay og Rune Johnson Klevberg
Takk til alle som bidrog til ein minnerik dag!