Stavanger bispedømmeråd søkjer etter ny sokneprest i 100% stilling, med Vikedal sokn, Sandeid sokn og Imsland sokn som særskilt arbeidsområde, Haugaland prosti.
Her er det laksefiske i Vikedalselva, Kystkulturdagar, motorsportsanlegg og Rootsfestival med friluftsgudsteneste. I løpet av året er det mange arrangement og festivalar. Bygdene er prega av flott natur og populære jaktområder, gode tilhøve for friluftsliv i fjell og skog, samt god tilgang til sjø og rikt båtliv. Det er eit aktivt næringsliv og mange arbeidsplassar frå både inn- og utland. Haugesund ligg ca 50 km vestover, medan Sauda ligg tilsvarande austover.
Sokna ligg i Vindafjord kommune, som utgjer samarbeidsområdet der soknepresten gjer teneste saman med sokneprestane i Ølen og Skjold. Kyrkjelydane har eit godt og aktivt samarbeid med kommunen.
Arbeidet med gudstenesteliv, trusopplæring, konfirmantarbeid og diakoni er prioriterte arbeidsområder. Sokna i kommunen arbeider aktivt saman på ulike områder. Samarbeidet mellom kyrkja, barnehagar og skular er godt.
Presten går inn i trusopplæringsarbeidet i sokna, og har ansvaret for konfirmantarbeidet.
Det er gudstenester og kyrkjelege handlingar i Vikedal kyrkje (1881), i Sandeid kyrkje (1904) og i Imsland kyrkje (1861). Kontoret til soknepresten er lokalisert nær Vikedal kyrkje.
Medlemstalet i Vikedal er 719, i Sandeid 900, og i Imsland 265.
Søknadsfrist er 21. april.