Tysvær kyrkje (1852) ligg i Tysværvåg, og Bokn kyrkje (1847) ligg på Vestre Bokn. Det er om lag to gudstenester i månaden i kvar av desse kyrkjene. I 2019 var det 18 dåp og 15 gravferder i Tysvær. I Bokn var det 5 dåp og 5 gravferder. Det var 28 konfirmantar i Tysvær og 9 i Bokn
Tysvær soknehus er stort og fleksibelt, og blir nytta av heile bygda. Kyrkjelyden møtes her mellom anna til trusopplæringstiltak, konfirmantundervisning og møter. På Bokn nyttar ein bedehuset til kyrkjelege aktivitetar. Det er eit nært og godt samarbeid med dei kristne organisasjonane og dei øvrige lag og foreiningar innan kulturlivet, til dømes idrett og musikk. Bokn er kjend for sitt omfattande speidararbeid. Frivillige medarbeidarar er knytt opp imot gudstenester og trusopplæringstiltak. Soknepresten må kunne bidra aktivt inn i kulturen sokna er prega av.
Haugalandet har eit rikt kulturliv med festivalar og allsidige arrangement som fargelegg dagane for alle aldersgrupper gjennom heile året.
Sokna i Tysvær kommune og Bokn kommune utgjer samarbeidsområdet der soknepresten gjer teneste saman med sokneprestane i Førresfjorden sokn og Nedstrand sokn. Kyrkjelydane har eit godt og aktivt samarbeid med Tysvær kommune og Bokn kommune.
Samarbeidet mellom kyrkje, barnehagar og skular er godt. Sokna i området arbeider aktivt saman på ulike områder. Tysvær sokn er det kateket. Tysvær og Bokn har felles kantor i 45 % stilling. Det er 20 % stilling som kyrkjelydspedagog på Bokn som for tida er vakant.
Arbeidet med gudstenesteliv, trusopplæring, konfirmantarbeid og diakoni er prioriterte arbeidsområde.
Søknadsfrist 17. mars 2020.