Pengane går til nødhjelp der behovet er akutt: telt, presenningar og grunnleggjande utstyr til dei som ikkje har noko tak over hovudet. Til familiar som får hjelp til å reparera og forbetra mellombelse bustader. Til rehabilitering av øydelagde hus og bygg, slik at folk kan venda heim for godt. Og til juridisk hjelp, reint vatn og sanitære forhold – fordi ein trygg heim handlar om meir enn fire vegger.
– Eg vil oppmoda kyrkjelydane til å samarbeida med lokale komitear for TV-aksjonen og bruka sine kanalar til å mobilisera bøsseberarar, seier biskop Ragnhild Jepsen.
Bli bøsseberar 18. oktober
Kvar bøsseberar tel. Ei enkelt bøsse er verd 2 400 kroner – og kvar krone fører oss nærare målet. For 3 000 kroner kan NRC Flyktninghjelpen gi eit telt til ein familie som ikkje har nokon stad å sova i natt.