Det er alltid biskopen som vigsler til teneste, og biskop Ragnhild Jepsen deltok sjølvsagt. Dette var hennar fjerde prestevigsling etter at ho vart biskop, men det var første gang ho vigsla, diakon, kateket og kantor.
Dei som vart vigsla til teneste var:
-
Trude Christina Halvorsen til prest i Bryn kyrkjelyd i Bærum prosti
-
Jannecke Bjørge Køhn til diakon i Sjømannskirken på Costa del Sol
-
Trine Pettersen Lohne til kateket i Sjømannskirken på Gran Canaria
-
Asbjørn Snilstveit til kantor i Birkeland kyrkjelyd i Fana prosti
Trude-Christina Halvorsen har vore aktiv i ungdomsarbeidet i Skjold i mange år, mellom anna med Skjoldstock. No har ho tatt presteutdanning ved MF i Oslo og skal frå hausten jobbe som kapellan i Bryn kurkjelyd i Bærum.
Jannecke Køhn jobber no i sjømannskyrkja på Costa del Sol og skal fortsetje å jobbe der etter vigslinga til diakon.
Trine Pettersen Lohne har i mange år vore aktiv i Fana kyrkjelyd og vart vigsla til stillingen som kateket i sjømannskyrkja på Gran Canaria.
Asbjørn Snilstveit er kantor i Birkeland menighet og skal fortsette å jobbe der etter vigslinga.
Kva tyder det at ein jobber i ei «vigsla stilling»?
Vigsling er ein form for kyrkjeleg innviing. Det er ei festgudsteneste leia av biskopen, der ein blir beden for av vener, familie og kollegaer. Ein avgir så eit vigslingsløfte, der ein lover å gjennomføre jobben etter beste evne. Vigslinga skjer bare ein gong, og gjeld livet ut.