Diakonikonferansen 2026

Verda er prega av aukande uro. Samstundes ligg det både håp og ansvar i tida vi står i. Med dette som utgangspunkt blir Diakonikonferansen arrangert 12. november under overskrifta «Den gode nabo».

 

Korleis kan vi vere gode naboar i ei tid prega av uro, aukande forskjellar og store samfunnsutfordringar? Dette er utgangspunktet for Diakonikonferansen 2026, som blir arrangert i Bergen 12. november under overskrifta«Den gode nabo». Konferansen vil løfte fram diakonien si rolle i å byggje fellesskap, styrkje inkludering og skape håp og handling i lokalsamfunna våre. Deltakarane vil få faglege innspel, inspirerande døme frå diakonalt arbeid og møte sentrale stemmer frå kyrkje, samfunn og frivillig sektor.