Program for Stiftsdagane 2019

12. juni (dag 1): Quality Hotel Edvard Grieg på Sandsli i Bergen

Det vert registrering frå kl. 09:30 . Programmet startar kl. 10:30 og varer til kl. 18:45 (med tid til lunsj og kaffipausar)

Kl. 19:00 er det middag for dei fellesråda og stabane som bur på hotellet og for andre som ønskjer det. Hugs å melda dykk på!

Gode føredragshaldarar

Seriøs stand-up
Anders Tangen har lang erfaring som profesjonell føredragshaldar og eit stort register å ta av. I sine føredrag brukar han heile sin kompetanse og erfaring som journalist og programleiar i NRK, gestaltterapeut (psykoterapi) og som Stand up-komikar. Vi er sikre på Anders vil kalla fram både latter og tårer hos oss.

Ei synleg kyrkje
Frå Sverige får vi besøk av Magdalena Widmark. Ho er tilsett i Svenska kyrkan og oppteken av korleis vi kommuniserer. – Kyrkja treng  å endra sin kommunikasjon og byggja relasjonar, seier ho. Tema for føredraget er: «Ei synleg kyrkje». Ho har gjesta både Kyrkjerådet og stiftsdagar i Borg bispedøme - med veldig positiv respons.

Frivillige på Sørlandet
I Vågsbygd i Kristiansand har dei teke gode grep når det gjeld korleis tenka nytt rundt frivilleg teneste. Sokneprest Nils Terje Andersen og dagleg leiar Per Gunnar Pedersen vil ta oss inn i korleis dei tenkjer.

Stabsutvikling og trusopplæring
På MF har Astrid Sandsmark og Tron Fagermoen sett på korleis nokre stabar arbeider saman når det gjeld tiltak i trusopplæringa. Kva posisjonar inntek dei forskjellige yrkesgruppene? Resultatet er gitt ut som ei bok på IKO-forlaget.

Marthe Valle - Uro
Artist Marthe Valle held eit konsertføredrag som tek utgangspunkt i uroen i oss, og korleis vi skal leve med den i ei tid der så mykje skapar uro og det indre kjem ut av fokus. Marthe er kjend for sitt varme og nære uttrykk. Som sjukepleier i psykiatri har Marthe i mange år jobba tett på denne tematikken, og har skrive musikk som set ord på indre uro og korleis vi skal finne balansen i livet sine bølgjedalar. 

13. Juni (dag 2): Bergen sentrum

Denne dagen møtast vi først til forskjellige seminar på ulike plassar i Bergen sentrum. Vi har forskjellige seminar som vi håpar er både interessante og relevante for alle yrkesgruppene. Tid for seminar er kl. 10 - 12 . Det vert servert enkel lunsj på seminarstaden.

Kl. 13:00 - 15:15 vert det program for alle i Johanneskirken «Møte som skaper». Panelsamtale med innspel frå seminara, føredrag, mykje god allsang og gudsteneste. 

Oversyn over seminara.
Hugs å melde deg på i Questback, sjå lenke som kjem nede på sida.