GRETHE–INGER BERGE har si utdanning frå musikklina ved Bergen Lærarhøgskule der ho studerte sang hos Bitta Østvoll i mange år. Seinare har ho studert fagdidaktikk og barokkinterpretasjon ved Griegakademiet og ei tid reiste ho for Folkeakademiet.
Som solist har ho sunge sopranpartiet i "Messias" av Händel fleire gonger, og likeeins vore solist i Johannespasjonen av Bach. Ho har også hatt solokonsertar på Lysøen og i Griegsamlinga i Oseana kulturhus og bidrege med innslag på mange ulike kulturarrangement, gudstenester og andre kyrkjelege arrangement. Frå 1999 til 2020 underviste Grethe-Inger sang ved Kongshaug Musikkgymnas.
MARTHA BERIT BELT fullførte sin mastergrad ved Griegakademiet våren 2016, der ho studerte hos Signe bakke. Ho har også hatt timar med Håvard Gimse og Julius Drake.
Belt har driv ei variert utøvande verksemd, både som solist og akkompagnatør. I tillegg til å vera aktiv pianist i Bergensområdet, har ho mellom anna spelt konsert i Grieg-Begegnungsstatte i Leipzig og delteke i Lied–duo–konkurranse i Groningen i Nederland. Ho har også spelt mange konsertar på Troldhaugen, både som «vekas solist» og i Grieg sin villa. Martha Berit har eit breitt repertoar, frå barokk til nolevande komponistar, og har medverka på festivalar som Borealis og Oslo Internasjonale Teaterfetival. Ho spelar også i ein trio kalla Eon, som i år har turnert med musikk av Piazolla m.a.
Det er gratis adgang til onsdagssamlingene. Bergen kommune og Kulturutvalget for BKF gir støtte til konsertene i kirken, men vi er likevel avhengige av et bidrag fra publikum ved utgangen eller til Vipps (nr 642787) for å få økonomien til å gå opp. Takk for din støtte!