Hausten 2026 vil vi ha ei kveldsandakt kvar onsdag i Løvstakksiden menighet. Vi har ein enkel liturgi, som inneheld ein del veksellesing mellom liturg og forsamling. Vi syng litt. Vi ber litt. Og eg, Knut Kvalsvik, vil lese frå Kongebøkene i Det gamle testamentet og knyte nokre kommentarar til. Det tek vanlegvis ein halvtime til tre kvarter.
- Stad: Solheim kyrkje, Hordagt. 28, i kyrkjeromet.
- Tid: Onsdagar kl. 19. Kyrkja er opa frå kl. 18.
- Datoar: Oppstart 2. september, siste gong før jul 9. desember.
Ikkje 23. september, 21. oktober og 18. november, då er det i staden Salmekveld (same tid og stad).
Etterpå er det anledning til å vere igjen litt, kanskje for å prate med andre, kanskje for å tenne eit lys i lysgloben vår og be ei bøn.
Kongebøkene, beståande av 1 Kongebok og 2 Kongebok, er eigentleg eitt verk (og burde ikkje vore delt opp). Dei handlar, som namnet seier, om tida då Israel var styrt av kongar – etter kong David. Det er dramatiske forteljingar med store omveltningar som skjer. Vi går ikkje gjennom alt, men vil mest sjå på profetane Elia og Elisja
Velkomen til å vere med på ferda!