Måndag 30.juni baud Lomen Mekkeklubb inn til sommarfest for alle som ville kome. Det var dekt langbord ute med kvite papirdukar og markblomar. Grillen var varm og alle fekk så mange pølser dei klarte å ete, før det vanka heimebaka kaker og kaffe til dessert. Det som toppa heile kvelden var åresal og eit fantastisk gevinstbord! Nokon hadde jobba godt for å få gevinstar, og det er tydeleg at det er mange som ønsker å støtte opp om mekkeklubben, for her var det gitt raust med gåver! Det var gevinstar til heile 3 runder med åresal, noko som gjer ein bra pengesum tilbake til klubben.
Mekkeklubben har no vore etablert i over 2 år og favner mange ulike aldre. Det er stor aktivitet og mange frivillige som deltek. Det var fint å sjå kor mange som møtte opp, og at folk har det triveleg der er lett å merke.
Før mat og åresal konstituerte styret seg. Det er ein god gjeng! Til hausten vil dei fordele ansvarsoppgåver seg imellom, og frå august får dei også med seg den nytilsette menigheitspedagogen i kyrkja i styret.
Sjølv om styret har ulike ansvarsoppgåver, vil dei involvere dei andre medlemma og delegere oppgåver vidare. "Vi må dra lasset saman!", seier leiar av styret, Elin Berget Håkerud. Og om klubben held fram med som dei gjer i dag trur vi dei skal få det til fint!
Takk for at de stelte til så fint og inviterte til fest!!
Foto: Toril Olvik, Marianne Tuvmarken og Veslemøy Kvamme
Bilder fra sommarfesten i Lomen Mekkeklubb
