Fredag før påske var vi så heldige å få besøk i Prestegarden av fleire born og tilsette frå Slidre barnehage.
Borna blei møtt av Berit Kristin og Kykeliky ute i lavvoen. Der var det påskepynta med påsketre (juletreet spraymalt i gult), påskeliljer og anna pynt.
Fleire greiner sto klare til oppheng av sjølvlaga påskepynt som borna hadde med seg.
Etter pynting fekk borna gå eggeløp i hagen-og jammen smakte egga godt etterpå!
Berit Kristin hadde lagt ut påskeduken på Prestegardsjordet. Alle fekk vandre på duken medan ho fortalde påskeforteljinga - frå palmesøndag då Jesus rei inn I Jerusalem til han sto opp frå de døde 1.påskedag.
Etter vandring på påskeduken, vandra borna vidare inn i stabburet. Der fekk dei sjå juletreet og det nyfødde Jesusbornet – starten på Jesu liv.
No var det klart for det mest spanande! Borna måtte følgje ein gul tråd som snodde seg hit og dit. I enden av tråden, midt under stabburet, fann dei eit stort påskeegg fullt av deilig sjokolade!
Med kvar sin sjokolade i handa traska dei inn att i lavvoen og fann kvar sin plass. Nistematen måtte vente, men etter so mykje aktivitet var det jammen plass til både Kvikk-lunsj og nistemat! Berit Kristin og Kykeliky takka for eit fint besøk av den fine gjengen, før borna stilte opp på rekke for å vandre tilbake til bornehagen.
Tusen takk for eit storveis besøk – og velkomen att til neste år!!