Informasjon om gravstadane i Vanylven

Tilhøva på gravstadane er regulert av sentrale og lokale reglar. Sentralt er det Gravferdslova av 1996, og forskriftene til gravferdslova, og lokalt er det vedtekter godkjent av bispedømerådet. Desse vedtektene er reviderte i 1998 og tilpassa nytt lovverk. Dei er sjølvsagt tilgjengelege på kontoret, saman med lov og forskrift. Vi tek her med dei opplysningane som er mest nødvendig å kjenne til.

Andre reglar.

I Vanylven er fredningstida for kistegraver og urnegraver 20 år.

Festeavgifta er p.t.kr 400 for festeperiode på 5 år (kr 80/år)

Når det er gått 70 år etter siste gravlegging i ein gravstad, kan ikkje festet fornyast utan særskilt samtykke frå kyrkjeleg fellesråd.

Kyrkjeverja har på delegert mynde frå fellesrådet ansvar for den daglege drift og forvaltning av kyrkjegardane i henhold til sentralt og lokalt regelverk, og er den instans som skal kontaktast i spørsmål som angår graver og gravstadar.

Frå 2009 er det kommunen som gjennom avtale har ansvaret for den praktiske kyrkjegardsdrifta i samband med gravlegging og slått/vedlikehald

Festaren disponerar gravstaden og kan bestemme kven som skal gravleggast der.

På den vestlegaste delen av St.Jetmund kyrkjegard (rekkje 14-42), er bruksretten for gjenbruk avgrensa til urnegravlegging.

I god tid før festet går ut skal festaren varslast. Er festet ikkje fornya etter 6 månader, fell gravstaden attende til kyrkjegarden.

Festar pliktar å melde frå om adresse-endring og evt. overdraging av feste til andre.

Lurer du på noko?

-Spørsmål kan rettast til

kyrkjeverja på kyrkjekontoret
kontortelefon 90167346
E-post: rb238@kyrkja.no

Venleg helsing

Kyrkjeverje Rønnaug Bjørlykke

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari