Med i programmet får vi med solosong, blokkfløytespel og ikkje minst allsong. Mellom dei ulike innslaga får vi ein kort presentasjon av desse songane knytt til salmesong i skulen. Med anekdoter og sitat frå skulekvardagen der songen var ein sjølvsagt del av dagen- frå første timen om morgonen, og til slutt før klokka ringde ut etter siste timen.
I tillegg til dette får vi høyre og lære litt om Salmodikon - instrumentet som for omlag 100 år sidan var fast inventar i klasserommet i skulen. Dette vart traktert av læraren, og brukt til å leie songen.
Aktørane er:
- Cathrin Hjelle Søvde, song
- Rakel og Jan Roger Myklebust, blokkfløyte
- Magnus Hope og Gunnar Smaadal, salmodikon
- Rune Molvik, programleiar og piano
Vel møtt til ei triveleg song- og musikkstund i Naustdal kyrkjelydshus.