Vi syng, brukar rytmeinstrument og lyttar til musikk. Det er og tid for samtale og måltid. Ta gjerne med matpakke, vi serverer te og kaffi.
Datoar haust 2020:
- 2.-16. og 30 september.
- 14. (litt usikkert) og 28. oktober.
- 11.og 25. november. (Alle samlingane er på onsdagar.)
Vi opnar dørene kl. 10.30. Program frå 11.00 – ca. kl. 11.30
Sosialt samvær fram til 12.30.
SPIREN ER:
- Song, musikk og rytmer for dei minste.
- Ein møtestad for born og vaksne.
- Tid til prat, leik og avslapping.
- Songar med kristent innhald, barnesongar og voggesongar frå gamle tider og nokre av nyare dato.
Syng med di eiga stemme! Barnet ditt elskar akkurat di stemme.Spiren er ein del av Trusoppplæringa /kyrkja sitt arbeid i Naustdal/Vevring og er ope for alle som ynskjer å ta del. Vi ynskjer at Spiren skal være ein god og trygg stad å vere for store og små.
Vi har gode matter som borna kan ligge på, men ta gjerne med eige teppe i tillegg. Ta gjerne med matpakke! Vi serverer te/kaffi/vatn og frukt.
Musikk er viktig for barnet si utvikling, både kroppsleg, emosjonelt og sosialt. Barnet har opplevd rytme og rørsle heilt frå starten. Barnet har høyrt stemmer, lydar, musikk. Etter at barnet kom ut i verda, kan han/ho få oppleve dette på ein annan og meir direkte måte. På babysong kan barnet ta del i song, musikk og rytmer, saman med andre barn og vaksne.