Tilboda i Kraft
Kraft Leiartrening – Vi er kobla på det nasjonale nettverket Followme. Som ungdomsleiar får du ha det gøy med ein god gjeng. Du får også øve deg på leiarskap gjennom ulike oppgåver i konfirmantaråret. I juni drar vi saman til Followme-konferansen. Alder 15 - 25 år.
Kraft Kreativ – Vi møtast annankvar veke etter skuletid. Dette er ei kunstgruppe med fokus på skaparglede. Vi begynner med eit måltid, så arbeider vi med teikning og maling. Du treng ingen forkunnskap og får individuell oppfølging.
Kraft Samtaleteneste – Her får du gratis samtale og/eller forbønn etter avtale. Det kan handle om små og store ting i livet ditt, eller om tru og tvil. Sjå kontaktinfo lenger nede på sida.
Kraft Gospel – Gospelkor for unge med øvrig aldersgrense 40 år.
Kraft Påfyll – Her legg vi til rette for å utforske kristen tru gjennom småfellesskap/bibelgruppe og gudstenester for unge.
Kraft Hygge - Her er målet at vi skal kose oss!
Nytt hausten 2025:
Annakvar fredag vert det ungdomsklubb for 10.klassingar.
Det blir kafé x 1 i veka for unge og unge vaksne i Galleri Normisjon sine lokale. Kom innom for mat og prat!
Vi vil høyre frå deg!
Kraft er eit nystarta prosjekt som skal la seg forme av deg som er ung. Ta gjerne kontakt om du har ein ide eller eit ønskje, kanskje er det ei av gruppe i Kraft du har lyst å bli med i?
Kontakt
Johanne Thingnes Leira er prosjektleiar for Kraft. Du kan kontakte Johanne dersom du ønsker samtale, bønn, eller om du vil melde deg på eit av tilboda i Kraft.
Mail: johanne.leira@sunnfjordkyrkja.no.
Tlf: 45 88 65 47
Instagram: kraft.ung
Snap: kirkesnappen
Frivilleg
Kan du tenke deg å bli med som frivilleg i Kraft? Send ein mail til johanne.leira@sunnfjordkyrkja.no.
Givarteneste
Vi er takksam for alle bidrag inn i arbeidet. Dersom du ønskjer å bli fast gjevar og evt. få frådrag på skatten, kan du klikke her.
Du kan også gje ein eingangssum på Vipps til #93395 Førde kyrkje/sokn-offer&gåve, med kategori KRAFT, eller til bankkonto 3705 66 12549 med "KRAFT" i meldingsfeltet.
Prosjektet er støtta av Tilleggsgåvefondet.