Kvart år før påske fekk vi "gekkebrev". Det var sirleg utklipte brev i reine blondemønster med snøklokker stukket inn i brevet, og eit lite vers som skulle gi oss eit hint om avsendaren. Gjetta vi riktig og sende svar fekk vi i premie påskeegg når den tid kom. Eit lite eventyrleg mysterium for eit barn å løyse, det ga kjensle av å vera hugsa på, verdt å ha litt moro med, og det trigga sansen for både å leike og gjette gåter.
Slik kjærleg moro likar eg å tenke at Gud har med oss. Når det på underfullt vis sprett opp or marka kvar vår, når påska kjem med sitt mysterium. Kven er avsendaren? Påskeglede i premie.