Pilgrimsdans er ei forestilling som er laga spesielt for framføring i kyrkjerommet. Saftig samspel av fele, orgel og ekspressiv dans!
Tilleggsinformasjon
Dette er ein dansekonsert som musikalsk byggjer på norsk folkemusikktradisjon, men i kombinasjon med eit kyrkjemusikalsk uttrykk. Musikken blir visualisert av dansaren som utfordrar og forskar på kjente og ukjente rom i kyrkja. På eit vis blir dette ei reise, ei pilegrimsreise, der menneskjerom innvendig møter kyrkjerommet utvendig.
Det er ikkje så ofte ein har danseforestillingar som er spesiallaga for kyrkjerommet. Me håpar derfor at publikum vil oppdage, og bli meir kjent med sine eigne kyrkjerom og samtidig utvide horisonten for både ny og gamal musikk og dans.
Velkommen til ei unik oppleving.
Foto: Rune Tylden orgel, Amdreas Ljones fele og dans Silje Onstad Hålien.
