Vårsemesteret vart avslutta med brask og bram i Foldnes kyrkje søndag 14. juni. Prost Jan Tommy Fosse og Bernt Forstrønen leia gudstenesta. Gospelkoret Lokal Vokal deltok med frisk song, akkompagnert av fullt band med blåsarrekke. Bandet medverka òg under salmesongen og skapte ei skikkeleg feststemning i kyrkja.
Under gudstenesta fekk vi òg takke av Kristine Dale, som det siste året har hatt ansvar for konfirmant- og ungdomsarbeidet i kyrkja. Vi er svært takksame for innsatsen hennar og alt ho har bidrege med gjennom året. No ønskjer vi henne Guds velsigning og lukke til vidare med studiane.
Etter gudstenesta heldt festen fram i borggarden, der det vart servert grillmat, og kaker i strålande sommarvêr. Store og små kunne vere med på ulike aktivitetar, mellom anna sukkerspinnmaskin, klatring i kyrkjetårnet og pingpong utandørs.
