Fredag 22. mai var det semesteravslutning for "babysongarane" i Foldnes kyrkje. Denne gongen hadde vi sjølvsagt vår- og sommartema. Vi hadde laga både songhefte og ei skreddersydd speleliste, med songar som handla om alt frå småfuglar og pinnsvin, til vær og vind, og "bakkar og berg utmed havet".
Etter songstunda hadde vi deilig sommarlunsj og god tid til prat og leik. Det var 19 babyar som var med denne gongen, i tillegg til mødre, mange fedre, eit storesøsken og ein besteforelder.
Denne gongen hadde vi også med oss ein flott ungdom, åttandeklassingen Håvard, som hadde vald dette som sin jobbskyggingsdag, og det var vi veldig glade for. Han var kjempegod både til å hjelpe til med praktiske ting ved rigging og rydding, og til å vere med dei små babyane, som han fekk god kontakt med. Han er hjarteleg velkomen til å ha oss som arbeidsstad ved arbeidsveka neste skuleår, dersom han vil.