Holdhus gamle kyrkje er den eldste kyrkja som framleis finst i Fusa, og er truleg bygd ein gong på 1700-talet, rundt restane av ei stavkyrkje frå seinmiddelalderen. Ho var ei stund vanskjøtta av private eigarar, men vart restaurert i åra 1905-1906 og har sidan blitt halde ved like av Fortidsminneforeninga.
Det er sjeldan gudsteneste i kyrkja, men ein gong i året - på Olsok - har me tradisjon for å halda gudsteneste her. I tillegg blir det av og til halde bryllaup eller gravferd for dei som eig grunn eller rettar for kyrkja, men i all hovudsak er kyrkja i dag ei turistkyrkje.
Du kan sjå meir om kyrkja på Fortidsminneforeninga sine sider gjennom lenkja under.