Fadrane skal vera vitner om at barnet er døypt med ein kristen dåp. For mange inneber det òg å be for barnet, å læra barnet å be, og å gje barnet kjennskap til sentrale bibelforteljingar.
Kvart barn som vert døypt, skal ha minst to fadrar. Fadrane må vera minst i konfirmasjonsalder, og vera medlem av Den norske kyrkja, eller eit anna tilsvarande kyrkjesamfunn. Foreldra kan ikkje vere fadrar. Fadrane vert ført inn i kyrkjebøkene.
Minst to av fadrane må vera til stades ved dåpshandlinga.
Å vera fadder fører ikkje til sivilrettsleg plikt, som til dømes å skulla overta omsorgsansvar for barnet viss foreldra døyr.