Mangeårig tradisjon
Festspelgudstenesta er eit fast innslag under Dei nynorske festspela, som vert arrangert av Nynorsk kultursentrum denne veka. I eit rikhaldig festspelprogram er gudstenesta søndag føremidda ei viktig hending. Gudstenesta er som vanleg eit samarbeid mellom Volda og Ørsta sokn og Nynorsk kultursentrum.
Spennande deltakarar
I år er det prest og salmediktar Marita Bjørke Ådland som er årets festspelpredikant, og festspeldiktar Knut Ødegård les eigne tekstar. Morkakoret og Volda kyrkjekor tek del under leiing av Morten Bollerud og Bert Handrick.
Nyskriven salme
Under gudstenesta syng me ein heilt nyskriven salme som Marita og Bert har skrive saman. Me får også ei ny nynorskomsetjinga av ein velsigningssalme mange er glade i. “Må din veg kome deg i møte” står berre på bokmål i salmeboka (N13 624). Omsetjar Hans-Olav Mørk omsette til både nynorsk og bokmål i si tid, og no har han omsett eit vers til. Så på søndag syng vi salmen slik:
MÅ DIN VEG KOME DEG I MØTE
T: Keltisk trad.
O: 2006, 2024 Hans-Olav Mørk
M: 1989 Nickomo Clarke
Må din veg kome deg i møte,
vinden alltid vere bak din rygg,
sol og lys leike på ditt kinn,
regnet falle venleg mot di jord,
og må Guds gode hand
verne om deg
til vi møtest igjen.
Må din dag stråle frå sin kvelving,
stjerner skine i di mørke natt,
blomar stå opne langs din stig,
stormen aldri rokke ved ditt hus,
og må Guds gode hand
verne om deg
til vi møtest igjen.
(
2006, 2024 Hans-Olav Mørk)
2006, 2024 Hans-Olav Mørk)