Konfirmasjon

Konfirmasjon

Alle kan bli konfirmant i kyrkja! Velkommen uansett om du trur, ikkje trur eller er litt usikker. Det einaste kravet er at du er døypt innan konfirmasjonsdagen. Om du ikkje er døypt frå før, er det ikkje noko problem. Mange blir døypt i løpet av tida som konfirmant.

Konfirmasjonen er ei stadfesting, ei bekrefting på at Guds kjærleik gjeld akkurat deg: Slik vi i dåpen blir tatt i mot av Gud, stadfestar Gud sin kjærleik til oss i konfirmasjonen. Vi er sett og elska av Gud, som har skapt oss.

I juni 2026 har vi informasjonsmøter om konfirmantåret 2026/27. Desse møta er både for deg som er fødd i 2012 og veit at du vil vere konfirmant, og for deg som vurderer det. Foreldre/føresette er også med på møta.