Samarbeidsavtalen blir følgd opp av Samarbeidsrådet for barne- og ungdomsorganisasjonar (SBU). Dette er ein møtestad mellom Kyrkjerådet for Den norske kyrkja og dei ulike barne- og ungdomsorganisasjonene. Dette er eit nasjonalt samarbeidsråd for barne- og ungdomsarbeid i Den norske kyrkja.
I Bjørgvin bispedøme er det oppretta eit lokalt SBU, og for tida er det Søndagsskulen Vestland og KFUK-KFUM som sit i SBU-utvalet her.
Ni ulike organisasjonar
Nasjonalt har Den norske kyrkja ein samarbeidsavtale med 15 barne- og ungdomsorganisasjonar. Ni av desse er representerte i Bjørgvin bispedøme:
ACTA - Barn og unge i Normisjon,
KFUK-KFUM,
KFUK-KFUM-speidarane,
KRIK (Kristen Idrettskontakt),
NKSS (Norges Kristelige Student- og Skoleungdomslag ("Laget")),
Misjonssambandet Ung (Norsk Luthersk Misjonssamband Ung),
NMSU (Det norske misjonsselskaps unge),
Søndagsskolen Norge og
Ung Kirkesang.
Nedanfor kan du sjå kva kvar einskild av desse organisasjonane står for og kva dei gjer i vårt bispedøme.
Føremål
Føremålet med SBU er å styrke samarbeidet mellom Den norske kyrkja og organisasjonane, styrke det lokale barne- og ungdomsarbeidet i kyrkjelydane og i medlemsorganisasjonane sine lokale lag og å styrke trusopplæring for barn og unge.