På Vegkryss samlast ungdom frå heile Bjørgvin bispedøme for å bli inspirert, utfordra og kopla saman i tru og engasjement. Dette er ei helg for fellesskap, refleksjon og nye idear – der du får møte andre ungdomar som bryr seg om det same som deg.
Kva skjer?
To dagar stappfulle av opplevingar – her er noko av det du kan gle deg til:
- Fellessamlingar med band og lovsong
- Engasjerande og kjekke seminar
- Samtalar om tru og livet – ekte, ærlege og opne
- Inspirasjon til ungdomsarbeid – ta med deg idear heim til kyrkjelyden din
Tid og stad
Dato: 29.–30. august 2025
Stad: Nykirken, Bergen (Strandgaten 197b)
Overnatting: Stad ikkje avklart enno
Vi overnattar frå laurdag til søndag.
Førkveld (for dei med lang reiseveg)
Har du lang reiseveg? Då kan du sjekke inn allereie fredag kveld.
Tid: Fredag kl. 19.30
Stad: Stad ikkje avklart enno
Det blir pizza, shuffleboard-turnering og sosialt program i eige lokale nær hotellet – ein fin måte å bli kjend før konferansen startar!
Pris
Kr. 500 for delegatar til Ungdomstinget
Kr. 700 for andre deltakarar
Program
Det er framleis under utvikling – men me lovar at det blir både meiningsfullt og morosamt!
Kven er det for?
Vegkryss er for deg som:
- går på vidaregåande eller er eldre
- har ein funksjon i ungdomsarbeidet i kyrkja di
- eller er med på MILK, REACTION eller anna 10. klasse-opplegg
Ungdomstinget
To delegatar frå kvar kyrkjelyd deltek på Ungdomstinget:
Tid: Laurdag kl. 12.00–17.00
Stad: Stad ikkje avklart enno
Ungdomstinget blir halde på hotellet, medan andre deltakarar kan vere med på seminar i Nykirken.
Ungdomsrådet i Bjørgvin bispedøme kallar inn til Ungdomsting 2025.
Saker og saksdokument blir sende ut når dei er klare.
Kvar kyrkjelyd kan sende to delegatar.
Sjå Reglar for ungdomsdemokratiet i Bjørgvin bispedøme (lenke nedst på sida) for meir informasjon.
Påmeldingsfrist innan 12. juni
Etterpåmelding 14. august (ikkje garantert overnatting eller førstevalg på seminarar)
Lenke til påmelding nedst på sida.
Arrangør: Ungdomsrådet i Bjørgvin bispedøme