I juni fekk Den norske kyrkja eit ekstraordinært tilskot frå regjeringa. Tilskotet var øyremerka arbeide med frivillige i kyrkja, og pengane vart utbetalt i starten av juli.
Utbetaling til fellesråda
Kyrkjerådet fekk tildelt pengane og har i samråd med KA stått for fordelinga til fellesråda. Det vart nytta ein fordelingsnøkkel som har vore brukt før.
I slutten av juni sendte Kyrkjerådet ut brev til alle fellesråda, som mellom anna omtalar forutsetnadane for å kunne nytte pengane, kva pengane kan nyttast til og kva dei ikkje kan nyttast til. Kyrkjerådet legg ikkje vesentlege føringar utover dette.
Kampanje i september
Det er ynskjeleg at pengane nyttast til eit felles "løft" for heile kyrkja når samfunnet vert opna att. Kyrkjerådet er difor igang med å planlegge ei nasjonal kampanje som vil vere synleg i dei to siste vekene i september. Kampanjen vil fokusere på at vi igjen kan samlast i kyrkjene til fellesskap – heilt utan avstand.
Det vil mellom anna bli laga bilete, plakatar og postar til sosiale medier, som kyrkjelydar og fellesråd kan nytte. Meir informasjon om kampanjen og materiellet vil kome i starten av september.