– Vi er alle skapte av Gud

Bispemøtet i Den norske kyrkja kjem med ei ny uttale i samband med Transminnedagen 2026. – Kyrkja skal vere ein trygg stad for alle, der menneskeverdet vert løfta fram og Guds kjærleik til alle vert formidla. Transminnedagen minner oss om at ikkje alle opplever det slik.

Publisert:

Biskopane i Den norske kyrkja i oktober 2026. Foto: Hans Jakob Heimvoll/Den norske kyrkja.
Biskopane i Den norske kyrkja i oktober 2026. Foto: Hans Jakob Heimvoll/Den norske kyrkja.

Mine kjære, har Gud elska oss så, då skyldar òg vi å elske kvarandre (1 Joh 4,11)

20. november vert transminnedagen markert, den internasjonale minnedagen for transpersonar som har mista livet som følgje av hatkriminalitet. Dagen er ei påminning om kor utsette transpersonar er i våre samfunn, og om at det er vårt felles ansvar å stå opp for menneskeverdet i alle samanhengar.

Som kristne er vi kalla til å møte alle våre medmenneske med omsorg, audmjukskap og kjærleik. Svært mange transpersonar opplever hatefulle ytringar og stigmatisering når dei uttrykkjer identiteten sin i det offentlege rom. Med Jesus som førebilete vert også vi utfordra til å stå opp for dei i samfunnet som vert utsett for urett. 

Ei av Guds gåver til oss er det store mangfaldet i menneskeslekta. Det er ein rikdom som synleggjer Guds stordom. Vi er alle skapt av Gud, med alle våre skilnader, og er omslutta av Guds kjærleik og deler eit felles menneskeverd.

Kyrkja skal vere ein trygg stad for alle, der menneskeverdet vert løfta fram og Guds kjærleik til alle vert formidla. Transminnedagen minner oss om at ikkje alle opplever det slik. Bispemøtet vil på nytt uttrykkje si forplikting til å arbeide for dette.

 

Bispemøtet i Den norske kyrkja, 12.-18. oktober 2026

 

Olav Fykse Tveit, preses
Stein Reinertsen, visepreses og Agder og Telemark biskop
Ragnhild Jepsen, Bjørgvin biskop
Kari Alvsvåg, Borg biskop
Ingeborg Midttømme, Møre biskop
Herborg Finnset, Nidaros biskop
Ole Kristian Bonden, Hamar biskop
Svein Valle, Sør-Hålogaland biskop
Sunniva Gylver, Oslo biskop
Stig Rune Lægdene, Nord-Hålogaland biskop
Tor Magne Nesvik, konstituert Stavanger biskop
Sveinung Hansen, konstituert Tunsberg biskop

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"