Presten sitt møte med dei nærmaste skal vera til hjelp i sorgprosessen, og å lytta til fortelljnga om den avdøde sitt liv. Desse forteljingane vert til eit minneord som pårørande eller presten les i gravferda. I tillegg til å bestemma salmar og solosong, kan pårørande setja sitt personlege preg på gravferda ved å bidra med skriftlesingar og andre symbolhandlingar.
Minning
Den gudsteneste etter gravferda vert dei som er gravlagde sidan sist gudsteneste, minna ved at namnet vert lese opp. På Helgemesse vert namna på alle som er døde sidan sist Helgemesse, lesne opp. Pårørande får ein invitasjon til å delta her. Det er viktig å koma tilbake til kyrkjerommet etter ei gravferd, og dette er fint for mange.
Kransar:
Kransane vert lagde på gravstaden etter at jorda er lagd på. Pårørande fjernar sjølv kransane når dei vil, men om dei ikkje vert fjerna, vil kyrkjegardsarbeidar fjerna dei.
Økonomi:
Gravferd/bisetjing er vederlagsfritt for medlemmar av Den norske kyrkja. Dersom avdøde ikkje er medlem, kan me likevel utføre gravferd etter våre ordningar mot ein fastsett kostnad.
Alle som er fastbuande i heradet når dei døyr, får fri gravplass. Avlidne personar i heradet skal gravleggjast på den gravplassen dei soknar til. Tilvist grav er utan kostnad. Dette gjeld òg om den avlidne på grunn av sjukdom eller alder har budd i eit anna sokn eller i ein annan kommune mot slutten av livet. Det kan søkjast til soknerådet om gravplass for personar som var busette utanfor heradet. Dei må då betala fastsett kostnad og festeavgift frå den dag frigrava vert teken i bruk.
Sjå "prisar ved gravferd".