Bibelkveld med Matteus-evangeliet

Våren 2020 starta vi med samlingar der vi les frå Matteus-evangeliet og tek føre oss tema derifrå. Vi kom så langt at vi kan ansjå oss ferdige med kapittel 7 og Bergpreika.

Denne hausten går vi vidare med 5 nye samlingar annankvar tysdag. Det vert ei innleiing ved Knut Arnold Kvalsvik, og anledning til diskusjon. Kor mykje ein vil delta i diskusjonen, er sjølvsagt opp til kvar enkelt. Vi vil også syngje litt og be litt saman, dette er igjen opp til kvar enkelt kor mykje ein vil delta i.

Tankane som vert framlagde i innleiinga er hovudsakeleg henta frå boka Matthew, ei kommentarbok av Dr Anna Case-Winters, del av seria Belief: A Theological Commentary on the Bible. Innleiaren vil imidlertid føle seg fri til å også trekkje inn andre ting.

• Tid: Tysdagar kl 18–20
• Stad: Solheim kyrkje, Hordagt 28. Vi vil enten vere på møteromet i kontor-fløya, eller bak i kyrkjeromet. Vi må sjå litt an kor mange som kjem og korleis vi kan overhalde korona-reglane medan vi er saman.
• Datoar:
  • 13. oktober
  • 27. oktober
  • 10. november
  • 24. november
  • 8. desember

Ta gjerne med eigen bibel. Det finst også nokre få biblar i kyrkja, men det er best å ha sin eigen.

Velkommen til alle interesserte!

Denne sida vil verte oppdatert etterkvart med meir informasjon og dokument som kan lastast ned.

Som ei innleiing til møteseria kan ein opne og lese to PDF-dokument: eitt om struktur i Matteus-evangeliet, og eitt om hovudtema (sjå nederst). Der er også eit dokument frå kvar av samlingane vi alt har hatt.

Ettersom møta skrid fram, vil eg legge ut fleire dokument, samt oppdatere tabellen nedanfor over tekstar og emne.