Sunnfjord kommune med sin vakre og storslåtte natur har eit samla folketal på rundt 22.000 med Førde som eit naturleg kommunesenter og med langstrakte og levande bygder rundt – fleire av dei med vekst i folketalet.
I Sunnfjord kyrkjelege fellesråd er det 6 sokn, 10 kyrkjer, 35 fellesrådstilsette og 7 prestar. Kyrkjelydspedagogen blir del av eit stort og kompetent arbeidsmiljø med prestar, pedagogar, diakonar, andre tilsette og frivillige.
Stillinga er nyoppretta, men skriv seg frå delstillingar i dei aktuelle kyrkjelydane.
Arbeidsoppgåver
- Planlegging og gjennomføring av eksisterande og nye tiltak i trusopplæringsarbeidet
- Delta i nokre av dei kontinuerlege tilboda for born i sokna, og sjå på moglegheita for å starte opp nye tilbod
- Hovudvekta av arbeidet er retta mot mellomtrinnet, men det kan og vere aktuelt med noko klubbarbeid for mindre born, og deltaking i konfirmantarbeidet
Kvalifikasjonar
- Relevant høgare utdanning med vekt på kristendom og pedagogikk
- Realkompetanse kan erstatte formell utdanning
- Erfaring frå, og interesse for, arbeid med born og unge
- God skriftleg og munnleg kommunikasjonsevne
- Krav om medlemskap i Den norske kyrkja
Personlege eigenskapar
- God formidlings – og samhandlingsevne i møte med born
- Evne til å skape engasjement, bygge tillit og etablere gode relasjonar
- Evne til samarbeid og teamtenking
- Evne til å arbeide sjølvstendig og målretta
- Erfaring frå frivillig kyrkjeleg arbeid
Vi tilbyr
- Løn i samsvar med avtaleverk for Den norske kyrkja
- Pensjonsordning gjennom KLP, med 2% trekk av løna som pensjonsinnskott
- Eit godt fagleg miljø med pedagogar og andre kyrkjefaglege stillingar
- Høve til å påverke og forme eigen arbeidskvardag
Anna
- Kvelds- og helgearbeid inngår i stillinga
- Du må ha sertifikat og helst disponere eigen bil
- Politiattest må leggjast fram før tilsetting