Sjølv om leiren blei kortare for deltakarane, var det proppfullt av godt leirprogram. Leirkveld med leik og konkurransar, herleg mat i matsalen, sporløp ute, bibelsamling, verkstad for å lage Kristuskransen og bønnevandring, teambuilding og quiz, fritid på internat og på spelerommet.
Og så var det sånne magiske ting som berre skjer på leir: alle gode samtalar og merkelege innfall, felles midnattsROing på jenteinternatet (for det stod jo på programmet: Kl. 00.00: Ro), og stadig «katt og mus»-leik med deltakarar som gøymde seg.
Sjølv om leiarane var trøtte etter to leirar på ei helg, sit vi igjen med mange gode minner, og gler oss til konfirmantåret vidare.
1 av 12