«Grønn menighet er et konsept som ønsker å bidra til glede, takknemlighet og undring i menighetene over å være del av skaperverket, og forløse engasjement og kreativitet til å ta vare på den verden Gud har gitt oss» (www.grønnkirke.no).
Grøn kyrkjelyd er med andre ord eit reiskap for lokale kyrkjelydar til å vere gode forvaltarar av skaparverket. Grøn kyrkjelyd er ein konkret måte å ta ansvar for skaparverket og vår neste på alvor. Å vere ein grøn kyrkjelyd går inn i kjerna av kva det vil seie å vere ein diakonal, misjonal kyrkjelyd og å leve i etterfølging av Kristus i praksis. Vern om skaparverket og kamp for rettferd er i tillegg viktige fokusområder innanfor diakoniplanen i Den Norske Kyrkje. Hareid kyrkjelyd ønskjer å ta del i dette ansvaret og vil difor vere ein grøn kyrkjelyd.
Soknerådet og staben har kome fram til ulike lavterskeltiltak som kan nyttast i alt frå trusopplæring, gudstenester, i Frivilligsentralen og i administrasjonen sitt arbeid, m.m. Eksempler på dette er fokus på miljø og rettferd i forbønner, sortering av avfall, gjenbruk med eigen bruktbutikk, ENØK-prosjekt ved renovering av nytt varmesystem og golv i kyrkja fekk ENØK-midlar grunna miljøvennlege løysingar, senking temperatur i kyrkje og kyrkjelydshus når bygga ikkje er i bruk, varmepumper kyrkjelydshus (tatt ut gamle røromnar), oppvarming av det nye kyrkjekontoret gjerast med varmegjenvinning frå batteribygga for lading av fergene på Hareid, vi feirar skaparverkets dag, innsamling til grøne prosjekt som Kirkens Nødhjelp sin fasteaksjon, misjonsavtale i Thailand, barn- og unge i trusopplæringa er med på ulike miljøprosjekt i lokalsamfunnet - for å nemne noko.
Det tar ikkje nødvendigvis mykje tid og ressursar å vere ein grøn kyrkjelyd, men det krev bevisstheit – og det kan skape fellesskap på tvers av generasjonar og i alle delar av livet i vår kyrkjelyd. Å vere ein grøn kyrkjelyd er ein prosess, vi må alle starte ein plass, skape bevisstheit rundt korleis våre val påverkar neste generasjon og den verda vi lever i. Kva kan du gjere for å leve meir grønt?
For meir informasjon om grøn kyrkjelyd: www.grønnkirke.no
Vedtak sak: SR 18/22 og SR 25/22
MILJØFYRTÅRN:
Som grøn kyrkjelyd er Hareid sokn no sertifisert som Miljøfyrtårn. Miljøfyrtårn er ei nasjonal miljøsertifiering som blir drifta av Stiftinga Miljøfyrtårn. Stiftinga blei oppretta av sentrale organisasjonar i næringsliv og offentleg forvaltning i 2003. Stiftinga jobbar for at flest mogleg små- og mellomstore verksemder i privat og offentleg sektor over heile landet skal bli Miljøfyrtårn-sertifisert.
Å vere sertifisert som Miljøfyrtårn skal bidra til at ein reduserer si miljøbelastning, betrar arbeidsmiljø og oppnår konkurransefortrinn. Sertifiseringa skal vere basert på praktiske tiltak som gir reelle forbetringar.
Stiftinga samarbeider med kommunar og fylkeskommunar, lokalt næringsliv og offentlege verksemder for å bidra til utvikling av berekraftig lokalsamfunn. Å vere Miljøfyrtårn bidreg ein og til å oppnå fleire av FN sine berekraftsmål.