Det er fint å samlast til gudsteneste i kyrkja, til sundagssamling eller møte på eit av bedehusa i soknet. Men det er òg godt å kunna koma saman nokre få, dela gleder og sorger, be saman og dela Guds ord saman. Kyrkjelyden og bedehusa har for tida fem bibelgrupper saman. Me kallar dei gjerne "cellegrupper". Grunnen er at då dei først vart skipa, var tanken at dei skulle få med fleire, dela seg og veksa vidare - slik cellene i kroppen gjer. Det har det nok ikkje vorte så mykje av. Men dei fungerer fint som bibelgrupper.
Gruppene samlast rundt i heimane. Nokre grupper har kveldsmat saman, andre ein enkel kopp kaffi/te, eller liknande. Eit par av gruppene samlast annakvar veke, dei andre noko sjeldnare.
Viss du har lyst å vera med i ei bibelgruppe, kan du snakka med presten, Ingvar Fløysvik (916 06 626, if952@kyrkja.no) eller Eva Bognøy (454 57 561).