Nå er påmelding til neste års konfirmasjon åpent.
Hei
Har du lyst å vera konfirmant i Ytre Arna kyrkje neste skuleår?
Konfirmasjonsgudstenestene blir:
- søndag 25. april 2021 kl.11.00
- søndag 2. mai 2021 kl.11.00.
Som konfirmant får du læra meir om den kristne trua og kva det er å vera kristen. Det er eit år der du får stilla spørsmål, diskutera, læra, oppleva, prøva, undra deg. Kanskje får du nye tankar om livet, om trua, om Gud? Det viktigaste er at du stiller med ope sinn, at du er nyssgjerrig og deltek i konfirmant-opplegget. Då kan du få eit spennande og lærerikt år.
I Ytre Arna bruker me eit konfirmantopplegg som heiter Ungdoms-Alpha. U-Alpha blir annankvar onsdag (nokre unnatak) i kyrkjelydshuset (bak kyrkja) frå kl. 19.00 til 20.30. I tillegg er det ei obligatorisk konfirmanthelg på Kvamsskogen 23. – 25. oktober 2020. Her må me sjølvsagt ta mange atterhald på grunn av koronaen. Skulle det bli umogleg å samlast til konfirmantundervisning, vil me i staden bruka digitale løysingar. Om me får lov å samlast til konfirmanthelg, veit me enno ikkje. Så her får me sjå etter kvart. De skal i alle fall få melding korleis det blir.
Du blir òg med i ei aktivitetsgruppe. Dei kjem me tilbake til etter ferien..
I konfirmantåret skal du òg få blir betre kjend med gudstenesta og det som skjer i kyrkja. Difor skal du delta på minst åtte gudstenester i løpet av året. På nokre av dei får du oppdrag.
Viss du ikkje er døypt, må du bli det i løpet av året for å kunna konfirmera deg. Me plar ha dåp av konfirmantar i ei gudsteneste om våren, litt før konfirmasjonen.
For å skriva deg inn som konfirmant, fyller du ut skjemaet som ligg ved, (lenke nede på siden) og sender det til oss før 20. juni. Hugs å leggja ved kopi av dåpsattest dersom du er døypt ein annan stad enn Ytre Arna kyrkje eller Arna kyrkje. Blir tida knapp, kan dåpsattesten ettersendast.
Eigenandelen for konfirmantåret (medrekna konfirmanthelga) er kr. 1 500,- Innbetalingsblankett blir send ut seinare. Det blir informasjonsmøte for foreldre og konfirmantar etter gudstenesta 6. september. Dei som har ønske om ein av datoane, noterer det. Så vil me plassera dykk slik at det blir om lag like mange på kvar søndag.
Viktige datoer:
- Første samling blir onsdag 26. august kl. 19.00.
- Presentasjonsgudstenestesøndag 6. september kl. 11.00 Kvar konfirmant utdelt bibel og U-alphahefte.
- Konfirmanthelg på Kvamsskogen 23. – 25. oktober 2020
Dette brevet går til alle som er døypte i Den norske kyrkja eller viss minst ein av foreldra er medlem. Dersom du kjenner andre som har lyst å vera med, er det fint om du tipsar dei. Dei kan ta kontakt hit, så skal dei få brev, dei òg. Om du elles lurer på noko, så ta kontakt!
Venleg helsing Ingvar Fløysvik
Konfirmantledere:
Anita Frekhaug
Øystein A Waagbø
Sigurd Lian
Malene Landøy
Linea Landøy